BASES REGULADORAS DE LOS PREMIOS DE CARNAVAL DE XERMADE 2026

ANUNCIOA Xunta de Goberno Local do Concello de Xermade, na sesión ordinaria celebrada o 21/01/2026, aprobou as BASES REGULADORAS DOS PREMIOS DO ENTROIDO DE XERMADE 2026 quedando como seguen: “O Entroido é tempo de encontro, de creatividade e de diversión compartida, no que a veciñanza se converte na verdadeira protagonista da festa. Co obxectivo de fomentar a participación, a imaxinación e o espírito festivo, o Concello de Xermade convoca o Concurso de disfraces Entroido Xermade 2026 o luns día 16 de febreiro no Pavillón Polideportivo de Xermade.Animamos a toda a veciñanza a participar activamente no concurso e a achegarse a gozar da festa, facendo do Entroido unha xornada inesquecible chea de risas, convivencia e bo humor.Aquelas persoas que queiran participar deben seguir as presentes bases do concurso. PRIMEIRA: Organización: A partir das 20.30 horas estará aberto o Pavillón Polideportivo de Xermade para as persoas que necesiten montar estruturas ou preparar os seus disfraces. Sobre as 21.30 HORAS dará comezo a actuación musical, e máis tarde, será o desfile de disfraces diante do xurado. É obrigatorio a asistencia ó desfile para poder participar no concurso. A orde no desfile estará marcada pola organización. As persoas participantes que necesiten música para o desfile deberán entregarlla á organización antes do inicio do desfile, sempre nun dispositivo USB. A duración da actuación escollida para o concurso será como máximo de 5 minutos. Exceder este tempo poderá penalizarse na decisión do xurado do concurso. Os grupos poderán acceder ao pavillón con estruturas ou plataformas ata uns tamaños máximos. A organización avisará da suspensión ou mantemento das estruturas no desfile. O Concello de Xermade resérvase o dereito a pospoñer ou cancelar dito evento ou parte do mesmo por pola existencia de circunstancias que non permitan o desenvolvemento normalizado da actividade (condicións climatolóxicas, restricións sanitarias, ou calquera outra circunstancia que non permita o desenvolvemento normalizado da actividade). SEGUNDA: Inscrición: O prazo de inscrición de participantes será desde o momento de publicación destas bases ata o 11 de febreiro. A inscrición poderá facerse de xeito presencial no Concello ou no correo electrónico educadora.familiar@xermade.org, achegando o Anexo I das presentes bases cuberto e un certificado de conta*. Todos os grupos e/ou disfraces inscritos deben levar no momento do desfile o número asignado polo concello. * Pode descargarse nas aplicacións móbiles de banca electrónica. TERCEIRA: Categorías e participantes: Establécense as seguintes categorías no concurso:             PARTICIPANTES NON EMPADROADOS EN XERMADE GRUPO/PARELLAS/INDIVIDUAIS: No caso dos grupos, máis da metade do mesmo non pode estar empadroado en Xermade. Se é individual ou parella, ningunha persoa/s pode estar empadroada. *Se hai o mesmo número de empadroados que de non empadroados, pasarán á categoría de “Empadroados: 1 ou 2”.             PARTICIPANTES EMPADROADOS EN XERMADE             1. GRUPO ADULTOS: Agrupación formada por un mínimo de tres (3) persoas participantes, con máis da metade das persoas do grupo empadroadas en Xermade, que garden unha unidade temática, e que desfilen ou realicen algunha actuación, ben sexan coplas, bailes ou representacións.             2. INDIVIDUAIS/PARELLAS ADULTOS: Participantes a partir de 16 anos que concursen individualmente ou en parella, debendo, neste caso, gardar unidade temática entre os/as compoñentes.             3. INFANTIL: participantes menores de 16 anos que concursen individualmente, en parella ou en grupo, debendo, neste caso, gardar unidade temática entre os/as compoñentes. CUARTA: Xurado: O xurado estará formado por tres persoas voluntarias do público e un secretario/a vinculado/a ó concello, con voz e sen voto, que certificará o cumprimento das condicións establecidas nas bases. Elaborará unha acta na que conste a resolución de disfraces premiados no concurso, asinada por todos os membros. Os premios serán aboados mediante transferencia bancaria, polo que será   necesaria   a presentación do certificado con número de conta ao realizar a inscrición. Para a selección de premios o xurado terá en conta:a representación ou actuación realizada no desfile.a orixinalidade do disfraces.a confección dos disfraces. O xurado resérvase o dereito de declarar deserto algún dos premios se considera que os/as participantes non reúnen a calidade precisa. En caso de quedar deserta algunha das categorías por ese ou outro motivo, o xurado poderá dispor de ese/eses premio/s para entregar a calquera das inscricións realizadas non premiadas previamente. QUINTA: Premios: o Concello de Xermade destina un total de mil douscentos euros aos premios deste concurso, consonte ao disposto nas Bases de Execución do Orzamento do exercicio 2026 e o Plan Estratéxico de Subvencións 2024-2026 publicado no BOP n.º 262 o 15/11/2023. Existe crédito axeitado e suficiente na aplicación orzamentaria 338.48 do vixente orzamento de gastos por importe de 1.200,00 euros para facer fronte ao presente gasto. O xurado deberá escoller os seguintes premios: Non empadroados en Xermade1º Premio150 €2º Premio100 €3º Premio50 €Participantes empadroados en XermadeGRUPOS1º Premio200 €2º Premio150 €3º Premio100 €INDIVIDUAL/PARELLA1º Premio100 €2º Premio75 €3º Premio50 €INFANTIL1º Premio70 €2º Premio50 €3º Premio25 €Premio especial “Orixinalidade”Único80 € Premio especial “Orixinalidade”: A este premio optará calquera persoa/grupo inscrito. O xurado valorará para outorgar  este premio a orixinalidade do disfrace correspondente ou da posta en escena do mesmo, sempre e cando non se premiase xa nas categorías anteriores. SEXTA: Aceptación e datos: A participación no concurso supón a aceptación destas bases, sobre as que, diante de calquera dúbida, prevalecerá a resolución que adopte o xurado, por maioría simple dos seus membros. O incumprimento das bases suporá a descualificación no concurso. En contra das decisións do xurado non caberá ningún tipo de recurso.As presentes bases e os premios concedidos aos beneficiarios, serán publicados na plataforma da Base de Datos Nacional de Subvencións (http://www.pap.minhap.gob.es/bdnstrans/index). A organización realizará unha cobertura fotográfica dos diferente momentos do desfile. Os/as participantes, mediante a inscrición, consentirán na cesión da súa imaxe para as fotografías que se realizarán durante a celebración deste evento. As fotografías serán utilizadas pola Concello de Xermade con fins divulgativos e para a promoción das súas actividades en medios dixitais. O que asino en Xermade na data indicada á marxe O alcalde Roberto García Pernas (DOCUMENTO ASINADO DIXITALMENTE)                   *NOTA: A todos os efectos, en caso de erro, terá prioridade o texto publicado na lingua cooficial.       Anexo I    Inscrición Concurso disfraces Entroido 2026Datos participante/s-Persoa física ou entidade (responsable do cobro en caso de obter premio): - DNI/NIF:- Enderezo: - Nome do disfraz:- Número participantes:- Teléfono de contacto:-Número de conta bancaria (a nome da persoa física ou entidade)*:* Entregar certificado de contaCategoría (marcar cun aspa)___ Participantes NON empadroados___ Participantes empadroados: Grupo___ Participantes empadroados: Individual/parella___ Participantes empadroados: InfantilAutorización:A persoa abaixo asinante autoriza ó Concello de Xermade, con CIF P2702100E a consultar as débedas ou liquidacións pendentes coa Seguridade Social, coa Axencia Tributaria de Galicia e coa Axencia Estatal de Administración Tributaria. Tamén autorizo a publicación de imaxes das persoas participantes nas RRSS do Concello ou calquera medio de comunicación.Sinatura: Número asignado (a cubrir polo Concello) _______________________________________________