Orden de 9 de enero de 2026 por la que se establecen las bases que regirán la concesión de subvenciones a entidades de iniciativa social sin ánimo de lucro, para el desarrollo de proyectos de atención social integral dirigidos a personas en situación de e

BDNS (identif.): xxxx
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións:
https://www.infosubvenciones.es/bdnstrans/GE/es/convocatoria/xxxx

Primeiro. Entidades beneficiarias
Poderán ser beneficiarias das subvencións para o desenvolvemento das actuacións previstas nesta convocatoria as entidades de iniciativa social sen ánimo de lucro que cumpran os seguintes requisitos:
a) Estar inscritas na área de igualdade do Rexistro Único de Entidades Prestadoras de Servizos Sociais, regulado polo Decreto 254/2011, do 23 de decembro, polo que se regula o réxime de rexistro, autorización, acreditación e a inspección dos servizos sociais en Galicia.
b) Carecer de ánimo de lucro.
c) Ter o seu domicilio social en Galicia ou delegación na Comunidade Autónoma.
d) Non atoparse en ningunha das situacións establecidas no artigo 10 da Lei 9/2007, do 13 de xuño. A acreditación de non estaren incursas nas ditas circunstancias realizarase mediante declaración responsable da persoa representante da entidade.
e) Cumprir os requisitos e condicións establecidos nesta orde e na normativa xeral de subvencións.

Segundo. Obxecto
Esta orde ten por obxecto aprobar as bases reguladoras e convocar para o ano 2026 as subvencións ás entidades de iniciativa social sen ánimo de lucro para o desenvolvemento de proxectos de atención social integral dirixidos a persoas en situación de explotación sexual, preferentemente inmigrantes e/ou vítimas de trata de seres humanos con fins de explotación sexual, na Comunidade Autónoma de Galicia, e de proxectos de información, prevención e sensibilización en materia de trata con fins de explotación sexual e explotación sexual, así como de apoio ás súas vítimas, preferentemente entre mulleres inmigrantes, residentes na Comunidade Autónoma de Galicia.
Coa dita finalidade establécense dúas liñas de subvencións:
a) Liña 1: proxectos de atención social integral dirixidos a persoas en situación de explotación sexual, preferentemente inmigrantes, e/ou vítimas de trata de seres humanos con fins de explotación sexual, na Comunidade Autónoma de Galicia (SI431A).
b) Liña 2: proxectos de información, prevención e sensibilización en materia de trata con fins de explotación sexual e explotación sexual, así como de apoio ás súas vítimas, preferentemente entre mulleres inmigrantes, residentes na Comunidade Autónoma de Galicia (SI431E).
O procedemento para a concesión destas subvencións tramitarase en réxime de concorrencia competitiva, de acordo co disposto no artigo 19.1 da Lei 9/2007, do 13 de xuño, de subvencións de Galicia.

Terceiro. Bases reguladoras
Orde do 9 de xaneiro de 2025 pola que se establecen as bases que rexerán a concesión de subvencións a entidades de iniciativa social sen ánimo de lucro, para o desenvolvemento de proxectos de atención social integral dirixidos a persoas en situación de explotación sexual, preferentemente inmigrantes e/ou vítimas de trata de seres humanos con fins de explotación sexual, na Comunidade Autónoma de Galicia, cofinanciadas pola Unión Europea no marco do Programa FSE+ Galicia 2021-2027 e de proxectos de información, prevención e sensibilización en materia de trata con fins de explotación sexual e explotación sexual, así como de apoio ás súas vítimas, preferentemente entre mulleres inmigrantes, e se procede á súa convocatoria para o ano 2026 (códigos de procedemento SI431A e SI431E).

Cuarto. Importe
1. Ás subvencións obxecto desta convocatoria destínase un orzamento total de oitocentos cincuenta e cinco mil euros (855.000,00 €), distribuídos nas dúas liñas de subvencións, que se imputarán ás aplicacións orzamentarias seguintes:
Liña de subvención
Aplicación
Código do proxecto
Importe (€)
Liña 1 -SI431A
08.06.313D.481.1
2023 00098
675.000,00
Liña 2-SI431E
08.06.313D.481.1
2012 00931
180.000,00
Total
855.000,00
2. As axudas da liña 1 están cofinanciadas pola Unión Europea nunha porcentaxe do 60 % no marco do Programa FSE+ Galicia 2021-2027, obxectivo político 4: “Unha Europa máis social e inclusiva mediante a aplicación do piar europeo dos dereitos sociais”; prioridade 2: “Inclusión social e loita contra a pobreza”; obxectivo específico ES04.8.: “Fomentar a inclusión activa co obxecto de promover a igualdade de oportunidades, a non discriminación e a participación activa, e mellorar a empregabilidade, en particular para os grupos desfavorecidos”; medida 2.H.02: “Axudas para atención integral da explotación sexual e trata”.
A contía máxima da axuda que se pode conceder a cada entidade ao abeiro desta liña de subvencións é de 80.000,00 euros.
3. As axudas da liña 2 están financiadas con fondos finalistas do Estado procedentes do Ministerio de Igualdade no marco da Conferencia Sectorial de Igualdade correspondentes á Comunidade Autónoma de Galicia para o ano 2026.
A contía máxima da axuda que se pode conceder a cada entidade ao abeiro desta liña de axudas é de 18.000,00 euros.
Quinto. Prazo de presentación de solicitudes
O prazo de presentación de solicitudes será dun mes contado a partir do día seguinte ao da publicación da convocatoria no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día do prazo fose inhábil, entenderase prorrogado ao primeiro día hábil seguinte, e se no mes de vencemento non houbese día equivalente ao inicial do cómputo, entenderase que o prazo expira o último día do mes.

Santiago de Compostela, 9 de xaneiro de 2026

Fabiola García Martínez
Conselleira de Política Social e Igualdade